Кардиология бөлімі 2022 жылғы 1 сәуірден бастап жүрек-қан тамырлары ауруларынан болатын өлім-жітімді азайту жөніндегі жол картасын іске асыру шеңберінде жұмыс істейді. Бөлім Түрксіб және Жетісу аудандарының тұрғындарына жедел және жоспарлы кардиологиялық көмек көрсетеді. Науқастарды емдеуге жатқызу үшін, емдеуге жатқызу бюросы порталы арқылы жүзеге асырылады.

Бөлімнің негізгі міндеттері

• Жедел коронарлық синдроммен ауыратын науқастарға арнайы және жоғары мамандандырылған медициналық көмек көрсету.
• Науқастарды ерте кезеңдегі коронарлық араласу процедураларына дайындау және жіберу.
• Отадан кейінгі кезеңде науқастарға бақылау жүргізу.
• Жүрек-қан тамырлары ауруларымен ауыратын науқастарды жоспарлы түрде емдеу.

Жұмыс ұйымдастыру тәртібі

Кардиология бөлімі 30 төсек-орынға есептелген.

Бөлімнің барлық дәрігерлері сертификатталған мамандар, олар жүрек-қан тамырлары ауруларын заманауи диагностикалау және емдеу әдістерін меңгерген.

Консультативтік-клиникалық жұмыс

• Бөлім дәрігерлері күн сайын қабылдау бөлімінде және реанимацияда науқастарды тексеріп, кеңес береді.
• Бөлім клиниканың басқа бөлімшелерімен және жетекші мамандарымен тығыз байланыста жұмыс істейді.
• Клиникалық жағдайларды талқылау және консилиумдар өткізіледі.

Бөлімде емделетін негізгі аурулар

• Жүректің ишемиялық ауруы (ЖИА): миокард инфаркті, тұрақсыз және тұрақты стенокардия.
• Созылмалы ишемиялық жүрек ауруы және оның асқынулары.
• Жүрек ырғағының бұзылуы.
• Артериялық гипертензия.
• Кардиомиопатиялар.
• Миокардиттер және басқа жүрек-қан тамырлары аурулары.

Диагностикалық зерттеулер

Емдеу барысында пациенттерге кешенді тексеру жүргізіледі:

• Электрокардиография (ЭКГ).
• Эхокардиография (ЭХОКГ).
• Холтерлік ЭКГ мониторингі.
• Тәуліктік артериялық қысымды мониторингтеу (СМАД).
• Коронарлық ангиография.
• Кең ауқымды зертханалық талдаулар.

Кардиология бөлімі жүрек-қан тамырлары ауруларын емдеудің заманауи хаттамаларына негізделген жоғары білікті медициналық көмекті қамтамасыз етеді.