Консультативтік-диагностикалық бөлімше (КДБ) – Алматы қаласының №4 Қалалық клиникалық ауруханасының құрылымдық бөлімшесі болып табылады, бұл пациенттерге медициналық көмек көрсетудің кең мүмкіндіктерін қамтамасыз етеді.

КДБ-де амбулаторлық пациенттерге консультациялық қабылдау жүргізіледі, сондай-ақ зертханалық және аспаптық зерттеулерді қамтитын кешенді диагностикалық тексеру жүзеге асырылады. Бөлімше көпсалалы болып табылады және келесі бағыттар бойынша медициналық қызметтер көрсетеді: травматология, хирургия, терапия, кардиология, неврология.

КДБ жұмысының негізгі қағидаттары – қолжетімділік, кешенді тәсіл, пациенттерді тексерудің үздіксіздігі, ерте диагностика, уақтылы емдеу және жан-жақты оңалту. Қабылдауды ГКБ №4 базасында жұмыс істейтін жетекші клиника мамандары мен кафедра қызметкерлері жүргізеді:

• профессор Набиев Е.Н. (травматология және ортопедия),
• медицина ғылымдарының кандидаты Баймаханов А.Н. (хирургия),
• жоғары санатты терапевт Тукаева Л.К.

Сонымен қатар, КДБ-де келесі бейіндер бойынша мамандар қабылдау жүргізеді: травматолог-ортопед, хирург, нейрохирург, уролог, тамыр хирургі, терапевт, невропатолог, кардиолог, нефролог.

Пациенттерге заманауи медициналық технологияларды қолдана отырып, барлық диагностикалық зерттеулер ақылы негізде қолжетімді:

• ЭКГ,
• жүрек, тамырлар, кіші жамбас ағзалары, құрсақ қуысы және бүйрек УДЗ,
• МРТ, КТ, рентген,
• ФГДС, колоноскопия,
• спирография,
• тәуліктік ЭКГ мониторингі (Холтер),
• диагнозды нақтылау үшін клиникалық зертханалық зерттеулер.

КДБ өз қызметін үнемі жетілдіруге ұмтылады, өйткені басты құндылық – пациенттердің денсаулығын сақтау және олардың өмір сүру сапасын арттыру. Бөлімшеде жоғары білікті дәрігерлер, мұқият әрі биязы медицина қызметкерлері жұмыс істейді, сондай-ақ пациенттердің тез сауығып кетуі үшін жайлы жағдайлар жасалған.