Алматы №4 қалалық клиникалық аурухана қызметкерлерді қолдау жөніндегі игі дәстүрді жалғастырып келеді.
Биыл аурухана болашақ бірінші сынып оқушылары үшін 61 жиынтық жинады.

Әрбір жинақ – жай ғана сөмке мен кеңсе тауарлары емес, бұл сенімді бастауға жасалған үлес, балалардың жайлығына деген қамқорлық және ата-аналардың көңіл тыныштығы.

📌 Жыл сайын аурухананың кәсіподақ ұйымы «Мектепке жол» науқанын жүзеге асырып келеді, мәселен 2024 жылы кәсіподақ қызметкерлердің 50 баласының бірінші сыныпқа баруына көмектесті.

«Біз мұндай бастаманы болашаққа жасалған инвестиция деп санаймыз. Өйткені қызметкердің отбасына деген қамқорлық оның жұмыстағы белсендігі мен энергиясына тікелей әсер етеді», – деп атап өтті аурухананың кәсіподақ ұйымы.