Қабылдау бөлімінде күту аймағы, тіркеу орны, бөлім меңгерушісінің кабинеті, қаралу кабинеттері, кезекші дәрігер бөлмесі, санитарлық өткізу пункті (жуыну бөлмесі және науқастарға арналған киім ауыстыру аймағы), процедуралық кабинет қарастырылған.

Қабылдау бөлімінің сүзгі деңгейінде келесі кабинеттер жұмыс істейді:

• Изолятор (жеке кіріп-шығу есігі бар);
• Процедуралық кабинет;
• Қаралу кабинеттері, сондай-ақ портативті оттегі концентраторлары бар тәуліктік бақылау кабинеттері;
• Рентген кабинеті.

Қызметкерлер мен пациенттердің кіру-шығуына толықтай зонирлеу (бөлектеу) сақталған.
Терапиялық профильдегі пациенттер көпсалалы жедел жәрдем қызметінің пациенттерінен толығымен оқшауланған.

Орналасу және жабдықталуы
Қабылдау бөлімі ғимараттың бірінші қабатында орналасқан, жедел жәрдем бригадалары үшін ыңғайлы кіреберісі бар. Қабылдау бөлімінің аумағында келесі кабинеттер қарастырылған:

• Рентген кабинеті;
• Зертхана;
• УДЗ кабинеті;
• ФГДС (фиброгастродуоденоскопия) кабинеті;
• Операциялық бөлме;
• Таңу кабинеті;
• Септикалық кабинет;
• Процедуралық кабинет.

Ақпараттандыру және ыңғайлылық
Фронт-офис жанында LED-экран орнатылған, онда кезекші бригаданың мамандануымен бірге дәрігерлердің аты-жөні және байланыс телефондары көрсетіледі. Сонымен қатар, ішкі аудит қызметкерлерінің аты-жөні мен байланыс нөмірлері, міндетті медициналық сақтандыру туралы мәліметтер және әлеуметтік маңызы бар аурулар бойынша ақпараттық стендтер орналастырылған.

Қабылдау бөліміне жақын жерде туыстары мен пациентті ертіп келген адамдар үшін күту залы қарастырылған, онда қажетті минималды жайлылық жағдайлары жасалған.

Медициналық көмек көрсету

Қабылдау бөлімінің басты қағидаттары – «мультидисциплинарлық қаралу» және пациентке бағытталған тәсіл. Барлық клиникалық мамандар бір кеңістікте орналасып, келіп түскен науқасты бір уақытта қарауға дайын болады.

Тексеруден өтетін барлық пациенттер медициналық персоналдың назарында, ал медициналық қызметкерлер өз кезегінде пациенттер үшін әрдайым қолжетімді.

Науқастың қасында мультидисциплинарлық дәрігерлер тобы жиналып, әрі қарайғы емдеу тактикасын анықтап, қажетті манипуляциялар жүргізу туралы шешім қабылдайды.

Тәулік бойы жұмыс істейтін Open space форматындағы қоғамдық қабылдау бөлмесі

Жедел медициналық көмек көрсету:
№4 ҚКА ауруханасында жедел медициналық көмек тәулік бойы, аптасына 7 күн көрсетіледі.

Қажет болған жағдайда, Клиника дәрігерлері хирургия, гинекология және травматология бойынша кез келген шұғыл операцияларды, соның ішінде жедел хирургиялық араласуларды жүргізуге дайын.