Қазақстан Республикасы күні – халқымыздың егемендігінің, қазақстандықтардың Жаңа Қазақстан жолындағы табандылығы мен бірлігінің символы.

Іс-шара аясында аурухананың дамуына зор үлес қосқан қызметкерлеріне құрмет грамоталары мен алғыс хаттар табыс етілді. Аталған марапат мақсаты – олардың адалдығы мен кәсібилігін мойындау әрі одан әрі жетістіктерге шабыт беру болды.

Қазақстан Республикасы күні ортақ мақсаттарға жетудегі бірлік пен бірлескен күш-жігердің маңызын тағы бір еске салады. Біз денсаулық сақтау сапасын жақсартуға және азаматтарымыздың денсаулығына қамқорлық жасауға ұмтылған команданың бір бөлігі ретінде жұмыс істейтінімізді мақтан тұтамыз.

Баршаңызды осы атаулы күнмен құттықтай отырып, еліміздің гүлдену жолында одан әрі табыс тілейміз!