Бұл оқиға қуанышты аяқталды. Екі жас әскер өз отбасыларына оралды. Ата-аналары ұлдарын құшақтап, әйелдері мен балалары қайтадан күйеуі мен әкесін көрді.
18 маусымда ҚР ҰҚК авиациялық қызметінің АН-26 әскери ұшағының апатынан аман қалған екі адам №4 Қалалық клиникалық ауруханадан шығарылды.
95 күн бойы төртінші қалалық аурухананың медициналық қызметкерлері екі әскери қызметшінің өмірі үшін күресті. Бұл барлық медицина қызметкерлерінің ауыр және үйлесімді жұмысы. Дұрыс таңдалған емдеу тактикасы, күтім және адамға деген қамқорлық өз жұмысын жасады. 21 маусымда № 4 ҚКА бірқатар қызметкерлері ҚР ҰҚК авиациялық қызметінің директоры полковник А. Ахметовтың атынан алғыс хат алды.
«Жоғары кәсібилігі үшін, әріптестеріміздің қасындағы өмір мен өлім арасында күрес жүріп жатқан қиын күндер мен түндер үшін алғыс айтамыз – сіздер парасаттылық танытып, бәрін дұрыс жасадыңыздар. Әріптестерімізге өмірге деген ынтаны қайтаруға көмектескендеріңізге алғыс айтамыз», – делінген хат мәтінінде.
№4 ҚКА-ның 15 қызметкері Алғыс хаттармен марапатталды:
- Гайсин Рафаель Рафикович – асқынған жарақат және іріңді хирургия бөлімшесінің меңгерушісі, Тусупов Даурен Мейрамханович – политравма бөлімшесінің меңгерушісі,
- Биконуров Нуржан Омарович – күйік бөлімшесінің меңгерушісі,
- Хайроев Магадин Микаилович – №4 ҚКА қабылдау бөлімшесінің меңгерушісі,
- Даулетбеков Жандос Шымыртаевич – №4 ҚКА реанимация және қарқынды терапия бөлімшесінің меңгерушісі, анестезиология, реанимация және қарқынды терапия бөлімшесінің дәрігерлері: Дуйсенова Жанат, Бхат Нусрат Ахмад, Тарасюк Александр, Тунгушбаев Аскар Булатбекович,
- АРҚТ бөлімшесінің мейірбикелері: Сютюшева Татьяна, Дильдахан Акбота.
- № 4 ҚКА бас дәрігері – Бейсенбеков Саги Зульфухарович,
- бас дәрігердің медицина бөлімі жөніндегі орынбасары – Марденова С.М,
- бас мейірбике Кажикумарова Гульмира Сериковна,
- №4 ҚКА баспасөз хатшысы – Комбаева Жанар Муратбековна.
«Екі әскери қызметші толық емдеу курсын алғаннан кейін №4 Қалалық клиникалық аурухананың стационарынан қанағаттанарлық жағдайда шығарылды», – деді Алматы қаласының №4 ҚКА бас дәрігері Сағи Бейсенбеков.
Естеріңізге сала кетейік, 2021 жылдың 13 наурызында ҚР ҰҚК авиациялық қызметінің АН-26 ұшағының апатқа ұшырауы салдарынан зардап шеккен екі әскери қызметші №4 Қалалық клиникалық ауруханаға жеткізілген болатын.
