Алматы қаласы №4 қалалық клиникалық аурухана базасында қоғамда сыбайлас жемқорлыққа қарсы мәдениетті қалыптастыру тақырыбында семинар-тренинг өтті.

Семинарға ҚР Сыбайлас жемқорлыққа қарсы күрес агенттігінің Алматы қаласы бойынша департаментінің Сыбайлас жемқорлықтың алдын алу жөніндегі сыбайлас жемқорлыққа қарсы іс-қимыл тобының басшысы Балғымбаев Саят Сергеевич, Түрксіб және Жетісу аудандары медициналық ұйымдарының басшылары, олардың орынбасарлары мен комплаенс-офицерлер қатысты.

ҚР Президентінің 2022 жылғы 2 ақпандағы №802 жарлығымен Қазақстан Республикасының 2022-2026 жылдарға арналған сыбайлас жемқорлыққа қарсы саясатының тұжырымдамасы бекітілді.

Сыбайлас жемқорлыққа қарсы саясат төмендегі қағидаларға негізделеді:

• заң мен әділет алдында барлығы тең;
• жариялылық, ашықтық және қоғам алдындағы есептілік;
• сыбайлас жемқорлыққа қарсы шараларды кешенді қолдану;
• сыбайлас жемқорлықтың алдын алудың басымдығы;
• мемлекет пен азаматтық қоғамның өзара іс-қимылы;
• тиімділік және нәтижелік;
• сыбайлас жемқорлықтың барлық көріністерінен бас тарту;
• сыбайлас жемқорлыққа қарсы күресте жәрдем көрсететін адамдарды қорғау;
• сыбайлас жемқорлық үшін жауапкершіліктің бұлтартпастығы;
• жоғары сапалы цифрлық түрлендіру.

Сыбайлас жемқорлыққа қарсы саясатты жүзеге асыру жолында келесі міндеттерді орындау керек:

• сыбайлас жемқорлыққа төзбеушілікті қалыптастыру;
• сыбайлас жемқорлық мүмкіндіктерін болдырмау;
• жауапкершіліктің бұлтартпастығын қамтамасыз ету жөніндегі шараларды жетілдіру;
• сыбайлас жемқорлыққа қарсы күресте азаматтық қоғамның рөлін күшейту;
• сыбайлас жемқорлыққа қарсы іс-қимыл шараларының орындалуына тиімді мониторингті қамтамасыз ету;
• сыбайлас жемқорлыққа қарсы іс-қимыл жөніндегі уәкілетті органның қызметін одан әрі жетілдіру.