№ 4 Қалалық клиникалық аурухана негізінде ҚР Мемлекеттік қызмет істері және сыбайлас жемқорлыққа қарсы іс-қимыл Агенттігінің Алматы қаласы бойынша департаментінің мониторинг тобы өкілдерінің Түрксіб ауданының медицина қызметкерлерімен кездесуі өтті. Кездесу диалог форматында өтті, спикерлер қысқа мессенджермен сөз сөйледі және қатысушылардың сұрақтарына жауап берді. Ақпараттық штаб мүшелері 24/7 режимінде кеңес беру көмегін көрсетуге дайын екендіктерін хабарлады.
Кездесуде өкілдер – Рамазан Бекбол Рамазанұлы, Бижанова Шолпан Сериковна – ҚР Мемлекеттік қызмет істері және сыбайлас жемқорлыққа қарсы іс-қимыл Агенттігінің Алматы қаласы бойынша департаменті Арнайы мониторингтік тобының мүшелері, Қоғамдық денсаулық басқармасының өкілі – Асенова Жазира Абусадыковна, Түрксіб ауданының медициналық ұйымдарының үйлестірушісі – Айтказина Кәмшат Сайфашевна сөз сөйледі.
«Кеңес тақырыбының өзектілігі біздің елімізде медицина қызметкері мәртебесін көтеру үшін осы саладағы сыбайлас жемқорлықтың алдын алуға және жолын кесуге бағытталған денсаулық сақтау саласындағы заңнаманы қалыптастырудың күрделі процесі жүріп жатқандығында», – деп атап өтті өз сөзінде Сыбайлас жемқорлыққа қарсы қызметтің өкілі Шолпан Бижанова.
Алматы қаласы бойынша Сыбайлас жемқорлыққа қарсы іс-қимыл агенттігінің өкілдерімен кездесудің мақсаты – Түрксіб ауданының денсаулық сақтау қызметкерлері арасында сыбайлас жемқорлықтың кез келген көріністеріне «нөлдік» төзімділікті қалыптастыру.
Жаңа нормативтік-құқықтық актілердің қабылдануымен сыбайлас жемқорлыққа қарсы іс-қимыл саласында кейбір өзгерістер бар.
«Кездесудің бірінші міндеті – медициналық ұйымдардың қызметкерлеріне осы жылдан бастап заңнамадағы бірқатар өзгерістер туралы жеткізу. Мысалы, 366-бап 50 АЕК-тен асатын болса, ауыр сыбайлас жемқорлық болып саналады, пара алу және делдалдық үшін 367-бап 7 жылға дейін бас бостандығынан айыруды білдіреді. Сондай-ақ, 5 сәуірден бастап 15 бап бойынша әкімшілік бұзушылықтарға қатысты актілер (ӘҚБтК) күшіне енді – бұл заңсыз сыйлықтар, заңсыз алымдар және т.б. Бұл жерде айта кету керек, егер сыйлықтар 2 АЕК-тен асатын болса, онда бұл айыппұл түріндегі қылмыстық жауапкершілікпен жазаланады және т.б», – деп атап өтті Саят Балғынбаев.
2020 жылы Алматы қаласының сыбайлас жемқорлыққа қарсы қызметі 175 қылмыстық құқық бұзушылықты тіркеді, оның ішінде сыбайлас жемқорлық қылмыстары – 137, ауыр және аса ауыр қылмыстары – 123, сотқа 196 қылмыстық іс жіберілді. 82 тұлға анықталды, 56 адам сотталды, 3 млрд 4 млн теңге залал анықталды, мемлекетке 2 млрд 2 млн 860 мың теңге залал өтелді. 226 млн теңгеге тыйым салынды.
«Түрксіб ауданының медициналық ұйымдарының барлық қызметкерлері Заң аясында өз міндеттерін атқаруда деп қорытындыладық. Денсаулық сақтау жүйесінде сыбайлас жемқорлық әрекеттерін болдырмау мақсатында медициналық ұйымдарда сыбайлас жемқорлыққа қарсы іс-қимыл бойынша профилактикалық іс-шаралар және Агенттіктің алаңында Бірінші басшылардың сөз сөйлеуі жүйелі түрде жүргізіледі», – деп түйіндеді Түрксіб ауданының РМО үйлестірушісі Кәмшат Айтқазина.
