№4 Қалалық клиникалық ауруханада миоманы емдеуде жатыр артериясының эмболизациясы қолданылады. Жатыр артериясының эмболизациясы (ЖАЭ) – хирургиялық отасыз жатыр миомасын емдеу тәсілі. Бұл әсерге жатыр артерияларына сан арқылы жұқа түтікпен (катетер) енгізілетін арнайы препараттың көмегімен миома түйіндеріндегі қан ағымын тоқтату есебінен қол жеткізіледі.

Оталарды рентгенэндоваскулярлық хирургия және кардиология бөлімшесінің меңгерушісі НАРИНБАЕВ АСКАР САЛИМОВИЧ жүргізеді. Миома тегіс бұлшықет талшықтарының қатерсіз ісігі бола отырып, жатырдың қанмен қамтамасыз етілуінің 90%-ын «өзіне алады». Әдістің мәні мынада: дәрігер арнайы рентгендік отада сан артериясындағы кішкене тесік шығару арқылы миоманы/жатырды тамақтандыратын тамырларға катетер кіргізеді.

Содан кейін ол арқылы миома тамырларының ерекшеліктеріне байланысты оларды «бітеп тастайтын» кішкентай биологиялық инертті бөлшектерді енгізеді. Ишемия жағдайында (яғни оттегінің жетіспеушілігі) миома жасушалары өліп, дәнекер тінімен алмастырыла бастайды, нәтижесінде миома «мыжылып», мөлшері айтарлықтай азаяды.